Lagor ye una portalada de formación y debat pa la transformación social. Empenta la obridura de canals de participación politica a los sectors y clases oprimidas. Tiene como misión l’enfortimiento d’o soberanismo politico aragonés y contribuir a dotar a Aragón d’un prochecto social y nacional propio, incorporando a perspectiva de chenero.

L’analisi social, o debat, y a formación politica son a fin que guía a l’equipo de colaboradors y colaboradoras de Lagor.

Empentamos l’analisi d’o capitalismo y sociedat post colonial aportando ideyas pa la superación d’as desigualdatz y una transformación socioeconomica dende una anvista que incorpore a qüestión de chenero y as valors feministas, de respecto a lo meyo ambient, que tienga en cuenta os dreitos d’os animals, os dreitos socials y nacionals, a necesidat d’achugar per o decreiximiento y as nuevas sobiranías. En definitiva, abanzar enta una nueva economía dinamizada per un fuerte sector publico que armonice tot lo sector productivo y s’empare en a economía social y solidaria d’o bien común, que consolide as sobiranías nacional y popular y abance irreversible en a transformación social, politica, economica y cultural.